Sug‘oriladigan yerlarning meliorativ holatini yaxshilash borasida 2022-yilda amalga oshirilgan ishlar to‘g‘risida ma’lumot
Respublikamizda 504,7 km ochiq kollektor tarmoqlari, 264,4 km yopiq-gorizontal drenaj tarmoqlari, 95 ta vertikal drenaj quduqlari, 16 ta gidrotexnik inshootlarda qurish va rekonstruksiya qilish ishlari amalga oshirildi, shuningdek, 15 455,0 km kollektor-drenaj tarmoqlari, 136 ta vertikal drenaj quduqlar, 2 274 ta kuzatuv quduqlar va 1 173 ta gidrotexnik inshootlarda ta’mirlash-tiklash ishlari bajarildi.
Meliorativ tadbirlarning amalga oshirilishi natijasida 294,5 ming gektar maydonning meliorativ holati yaxshilandi. Shuningdek, sug‘oriladigan yer maydonlarida sho‘rlangan yer maydonlarini 1 891,9 ming gektargacha kamaytirish, kuchli va o‘rta sho‘rlangan sug‘oriladigan yer maydonlarini 548,0 ming gektargacha kamaytirish, yer osti suv sathi muammoli holatda (0–2 m) bo‘lgan yer maydonlarini 924,2 ming gektargacha kamaytirishga erishish rejalashtirilgan.
133,7 ming gektardan ziyod yerlar qayta foydalanishga kiritilib. qo‘shimcha qishloq xo‘jaligi mahsulotlarini yetishtirish hamda yangi ish o‘rinlarini yaratilishiga erishildi.
Sug‘oriladigan yerlarning meliorativ holatini yaxshilash va
suv xo‘jaligini mexanizatsiyalash bo‘limi
Sug‘oriladigan yerlarning meliorativ holatini yaxshilash borasida 2022-yilning 9 oyi davomida amalga oshirilgan ishlar to‘g‘risida ma’lumot
Respublika bo‘yicha 2022-yilning sentyabr oyida yer osti sizot suvlarining o‘rtacha joylashish sathi 0 dan 2 metrgacha bo‘lgan maydonlar 820,5 ming gektarni tashkil qilib, o‘tgan yilning shu davriga nisbatan 41,4 ming gektarga kamaygan (2022 yil sentyabr oyida ushbu ko‘rsatkich 861,9 ming gektarni tashkil qilgan).
Respublikada 2022-yil boshidan sug‘orishga 32,8 mlrd. m3 suv olingan bo‘lib, sug‘oriladigan yerlarga jami 26,0 ming tonna tuzlar kirib kelgan va kollektor-drenaj tarmoqlari orqali 14,9 mlrd. m3 suvlar bilan 27,7 ming tonna tuzlar chiqib ketgan. Sug‘oriladigan yerlardan jami 1,7 ming tonna tuzlar chiqib ketgan.
Joriy yilning 9 oyi davomida hududlardan olingan ma’lumotlarga asosan respublika bo‘yicha jami 53,3 ming gektar (shundan 33,4 ming ga sug‘oriladigan yerlar, 19,9 ming ga lalmi va yaylov yerlar) yer maydonlari qishloq xo‘jaligida foydalanishga kiritilgan.
Sug‘oriladigan yerlarni melioratsiyalash va suv xo‘jaligini
mexanizatsiyalash boshqarmasi
Sug‘oriladigan yerlarning meliorativ holatini yaxshilash borasida 2022-yilning 6 oyi davomida amalga oshirilgan ishlar to‘g‘risida ma’lumot
2022-yilning iyun oyida sug‘oriladigan maydonlarda yer osti sizot suvlarining o‘rtacha joylashish sathi 0 dan 2 metrgacha bo‘lgan maydonlar 921,2 ming gektarni tashkil qilib, o‘tgan yilning shu davriga nisbatan 45,6 ming gektarga kamaygan (2021 yil ushbu ko‘rsatkich 966,8 ming gektarni tashkil qilgan).
Respublikada 2022 yil boshidan sug‘orishga 17,4 mlrd. m3 suv olingan bo‘lib, sug‘oriladigan yerlarga jami 16,9 ming tonna tuzlar kirib kelgan va kollektor-drenaj tarmoqlari orqali 9,6 mlrd. m3 suvlar bilan 18,2 ming tonna tuzlar chiqib ketgan. Sug‘oriladigan yerlardan jami 1,3 ming tonna tuzlar chiqib ketgan
Joriy yilning 6 oyi davomida hududlarda amalga oshirilayotgan tadbirlar natijada respublika bo‘yicha jami 32,0 ming gektar (shundan 14,7 ming ga sug‘oriladigan yerlarni qayta foydalanishga kiritish hisobidan, 17,3 ming ga lalmi va yaylov yerlarda yer osti suvlari hisobidan) qishloq xo‘jaligida foydalanishga kiritilgan.
Buning uchun hududlarda 260 km sug‘orish tarmoqlari qurish va ta’mirlash, 186 km kollektor tarmoqlarini ta’mirlash, 317 ta sug‘orish quduqlarini qazish, 66 ta nasos agregatlari o‘rnatish hamda 230 km elektr uzatish tarmoqlari tortish ishlari amalga oshirilgan.
Sug‘oriladigan yerlarni melioratsiyalash va suv xo‘jaligini
mexanizatsiyalash boshqarmasi
Sug‘oriladigan yerlarning meliorativ holatini yaxshilash borasida 2022-yilning 1-choragida amalga oshirilgan ishlar to‘g‘risida ma’lumot
2022-yilning mart oyida sug‘oriladigan maydonlarda yer osti sizot suvlarining o‘rtacha joylashish sathi 0 dan 2 metrgacha bo‘lgan maydonlar 878,5 ming gektarni tashkil qilib, o‘tgan yilning shu davriga nisbatan 93,5 ming gektarga kamaygan (2021 yil ushbu ko‘rsatkich 972 ming gektarni tashkil qilgan).
Respublikada 2022-yil boshidan sug‘orishga 5013,4 mln. m3 suv olingan bo‘lib, sug‘oriladigan yerlarga jami 4935 tonna tuzlar kirib kelgan va kollektor-drenaj tarmoqlari orqali 4499,7 mln. m3 suv bilan 8413 t tuz chiqarib yuborilgan. Sug‘oriladigan yerlardan jami 3478 t tuz chiqib ketgan.
2021–2022 yil kuz qish mavsumida 994,2 ming gektar sho‘rlangan maydonlarda sho‘r yuvish tadbirlarini amalga oshirish rejalashtirilgan. Bugungi kunda 781,1 ming gektar maydonda (rejaga nisbatan 79%) sho‘r yuvish tadbirlari amalga oshirildi.
Yerlarning meliorativ holatini yaxshilash boshqarmasi