Аму-Бухоро ирригация тизимлари ҳавза бошқармаси ва соҳага алоқадор ташкилот ва корхоналарнинг раҳбар ҳамда мутахассислари иштирокда ирригация ва мелиорация объектларини қуриш, реконструкция қилиш ҳамда таъмирлаш-тиклаш ишлари таҳлил қилинди. Танқидий руҳда ўтган тадбирда амалга оширилаётган ишлар мухокама этилиб, галдаги режалар белгилаб олинди.
Жумладан, жорий йил ирригация-мелиорация давлат дастури доирасида Бухоро вилоятидаги 8 та ирригация объектида 53881,6 миллион сўм ҳамда 3 та мелиоратив объектда 74282,1 миллион сўм қийматдаги қуриш ва реконструкция қилиш ишларини бажариш белгиланган бўлиб, амалда бугунги кунгача 25070,6 миллион сўм ёки йиллик режага нисбатан 46 фоиз ирригация ва 71299,5 миллион сўм ёки йиллик режага нисбатан 96 фоиз мелиорация объектларида қуриш ва реконструкция ишлари бажарилган.
Мелиоратив обектларда тизимли таъмирлаш-тиклаш ишлари бўйича 19 та лойиҳада 37400,0 миллион сўмлик таъмирлаш-тиклаш ишларни бажариш белгиланган бўлиб, амалда 20890,9 миллион сўм ёки 56 фоиз ишлар бажарилган. Жумладан, Жондор туманидаги “Темир йўл” ва “Ғарбий Ромитан” хўжаликлараро коллектори тармоқларини тизимли таъмирлаш ва тиклаш объектида жойида ўрганилиб, муҳокама қилинди. Объектда 169,1 километр узунликдаги коллектор тармоқларини таъмирлаш-тиклаш, 6 дона қувурли кесишмани таъмирлаш-тиклаш ҳамда 10 дона “Дайвер” қурилмасини ўрнатиш белгиланган бўлиб, амалда “Мелиорация ирригация барака сервис” МЧЖ томонидан бугунги кунгача 43,6 километр узунликдаги коллектор тармоқларини таъмирлаш тиклаш ишлари бажарилганлигини ҳамда объектда 6 дона қувурли кесишмани таъмирлаш тиклаш ишлари ҳамда 10 дона “Дайвер” қурилмасини ўрнатиш ишлари амалга оширилаётганлиги таъкидланди.
Ушбу объектда бажарилиши белгиланган тадбирларни жорий йилнинг 1 октябригача тўлиқ тугатиш мақсадида барча чораларни кўриш бўйича топшириқлар берилди.
Аму-Бухоро ИТҲБ матбуот хизмати