“Сувхўжаликназорат” давлат инспекциясининг Сирдарё вилоят бошқармаси томонидан “Марказий Мирзачўл” коллекторининг хафсизлик техник ҳолати юзасидан семинар ташкил этилди.
Таъкидландики, сув хўжалиги иншоотлари ва қурилмаларидан фойдаланиш, гидротехника иншоотларининг хавфсизлиги устидан давлат назорати махсус ваколатли давлат органи амалга оширади. Ваколатли давлат органи гидротехника иншоотлари ҳудудига монеликсиз кириши, шунингдек, ўз назорати остидаги гидротехника иншоотларини бир йилда камида икки марта текшириш ҳуқуқига эга.
“Марказий Мирзачўл” коллектори Сирдарё вилоятидаги ер ости сизот сувларини олиб чиқиб кетувчи асосий коллекторлардан ҳисобланади. Ушбу иншоот “Еттисой” ва “Боёвут” туманлараро коллекторлари қуйилишидан бошланиб, Ўзбекистон ва Қозоғистон Республикалари ҳудудидан оқиб ўтиб “Айдар-Арнасой” кўллар тизимига бориб қуйилади. Коллекторнинг умумий узунлиги 84,7 км бўлиб, Ўзбекистон Республикасидан ўтган қисми 30 км. ни ташкил этади.
Семинарда “Марказий Мирзачўл” коллекторининг Сирдарё вилояти ҳудудидан ўтган қисмида ўрганиш ўтказилганда, коллектор атрофидаги экин майдонларидан рухсатсиз сув ташлаб қўйиш оқибатида коллекторга зиён етказиш ҳолатлари аниқлангани, масъул ходимлар доимий назорат ўрнатиши лозимлиги ва келгусида шундай ҳолатлар аниқланганда ваколати доирасида чора кўришлари кераклиги таъкидланди.
Санжар Тошпўлатов,
Қуйи Сирдарё ИТҲБ матбуот котиби