Жиззах вилоятининг Зомин, Зарбдор, Ш.Рашидов ва Пахтакор туманлари экин майдонларини сув билан таъминлаб келаётган ДМ-1, ДМ-2 ва ДМ-3 каналларини бетонлаш ишлари бошлаб юборилди.
Жумладан, “Зомин” ирригация тизим бошқармаси жамоаси томонидан ўз тасарруфидаги ДМ-1 ва ДМ-2 каналларининг салкам 22 километрида айнан шундай ишларни амалга ошириш режалаштирилган.
Айни кунларда ушбу сув йўлларининг лойиҳа ишлари якунига етган қисмларида бетон олиш учун тайёргарлик ишлари амалга оширилмоқда.
Бу борадаги юмушларга 10 дан ортиқ экскаватор, бульдозер ва юк ташиш машиналари, етарлича ишчи кучлари жалб этилмоқда.
Сирдарё-Зарафшон ИТҲБ матбуот хизмати