Аму-Бухоро ирригация тизимлари ҳавза бошқармаси ҳузуридаги Насос станциялари ва энергетика бошқармасига қарашли А.Навоий номли насос станция Жондор ва Бухоро туманларининг экин ерларини сув билан таъминлашда муҳим ўрин тутади. Бу каби муҳим сув иншоотларининг техник ҳолатини ўз вақтида ўрганиш, мавжуд муаммоларни бартараф этиш, уларнинг хавфсиз ишлашини таъминлаш мақсадида ҳавза бошқармаси ҳамда тегишли соҳавий мутахассислар томонидан доимий равишда ўрганиш ишлари олиб борилади.
Бухоро туманида жойлашган мазкур насос станциясида ўтказилган семинарда Аму-Бухоро ИТҲБ ҳузуридаги Насос станциялари ва энергетика бошқармаси бошлиғининг ўринбосари Р.Раҳмонов, “Сувхўжаликназорат” инспекциясининг Бухоро вилоят бошқармаси инспектори С.Рахимовлар иштирокчиларга жорий йилнинг 5 январь санасидада қабул қилинган Ўзбекистон Республикаси Президентининг “Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида”ги қарорининг мазмун-моҳиятини тушунтириб бердилар.
Жумладан, сув ресурсларидан самарали ва тежамкорлик билан фойдаланиш мақсадида суғориш тизимларининг фойдали иш коэффициентини ошириш, канал ва ариқларни бетонлаштириш ишларининг бориши ҳақида маълумот берилди.
Бундан ташқари насос станциялар вегетация мавсумига тайёргарлиги, агрегатларининг техник паспортидаги кўрсаткичи, электр энергиясидан тежамкорлик асосида фойдаланиш зарурлиги таъкидланди.
Аму-Бухоро ИТҲБ матбуот хизмати