Бухоро воҳасининг экин ерларини сув билан таъминлашда насос станциялари муҳим ўрин тутади. Аму-Бухоро ирригация тизимлари ҳавза бошқармаси ҳузуридаги насос станциялари ва энергетика бошқармаси ихтиёрида 38 та насос станциялари мавжуд. Улар ёрдамида туманлараро ва хўжаликлараро каналларга оби ҳаёт етказиб берилади. Насос станцияларини ишчи ҳолатида сақлаш, насос агергатларини ўз вақтида таъмирлаш, сув иншоотларини бир маромда ишлатиш билан бир қаторда уларнинг фаолияти учун белгиланган ресурслардан, хусусан, электр энергиясидан тежамкорлик асосида фойдаланиш, ресурстежамкор ускуналардан кенг фойдаланиш борасидаги ишлар сув ҳўжалиги вазирлигининг ирригация ва мелиорация тадбирлари ишчи гуруҳи ва бошқарма техник муҳандислари томонидан доимий назоратга олинган.
Ўрганишлар жараёнида иштирок этган Сув хўжалиги вазирлигининг ирригация ва мелиорация тадбирлари бўйича ишчи гуруҳи вакили насос агрегатларини ва эҳтиёт қисмларини техник соз ҳолатда сақлаш, энерготежамкор қурилмалар ўрнатиш, техника хавфсизлигига риоя қилиш бўйича ишлар қониқарсиз ташкил этилганлигини таъкидлаб, бу борада зарур ташкилий чоралар кўрилиши кераклигини тўғрисида кўрсатмалар берди.
Аму-Бухоро ИТҲБ матбуот хизмати