Фориш туманида қурилаётган каналда бажарилаётган ишларнинг бориши таҳлил қилинган семинар ташкил этилди.
Тадбирда бошланғич тахминий қиймати 61,5 миллиард сўм бўлган объектда сув ўтказиш қуввати сониясига 10 м3 бўлган 20 километр узунликдаги канал қурилиши режалаштирилгани, бугунги кунда пудратчи ташкилот томонидан мазкур иншоотнинг 5,9 километрида тупроқ, 1,5 километрида эса, бетонлаш ишлари бажарилгани ҳақида маълумот берилди.
Тадбир иштирокчилари канал қурилишида иштирок этаётган 15 га яқин машина-механизмлар, жумладан, 5 дона экскаватор, 1 дона бульдозер, 8 дона бошқа махсус техникалар ҳамда 40 нафар ишчи-ходимнинг самарали ишлаши учун яратилган шарт-шароитларга эътибор қаратишди.
Семинар якунида “Фориш” канали ёрдамида 20 минг гектар ер майдонининг сув таъминоти яхшиланиши, шунинг учун, ушбу муҳим объектни йилнинг якунигача фойдаланишга топшириш мақсадга мувофиқлиги таъкидлаб ўтилди.
Сирдарё-Зарафшон ИТҲБ матбуот хизмати